A TYPICAL DAY IN THE LIFE OF A XHOSA WOMAN, MAN, CHILD

Listen to this section

"A man takes a wife, and they leave the premises of their parents' homes, preparing now to establish their own homesteads just as their fathers and mothers did before them." The man builds the new house. The wife gathers wood, prepares food, and makes sleeping mats. The man inspans the oxen ploughs the fields once he has acquired a plot for farming. A garden is also cultivated; it becomes "something uniquely related to women." The man is responsible for providing food for his family. The children are taught their responsibilities: a girl is taught to grind grain on a stone, a boy is trained to herd livestock.

Apha ke^[1314] esiXhoseni kwakhiwa kanje...indoda yakuba inomfazi wayo nxa 'se bephumile kumasango wakowabo a'be bekuwo beqalisa ukuzenzela owabo njengooyise babe noonina babo...indoda umsebenzi wayo wokuqala kukumba isiza sendawo ekuza kwenziwa indlu kuyo isimbe isiza eso sendlu...umfazi lilandela lendoda ekuqalekeni kokokuba kusakhiwa...iza kuthi ke yakugqiba ukusimba indoda isiza eso iye ke ifune iipali^[1315] kunye neelanti into ke leyo ekuza kuba kubekwe eludongeni...enye indoda iyakwazi ukuthi ithi yakugqiba ukumba isiza ithabathe umhlakulo ize yenze iisoyi^[1316] phantsi zinengca izibeke ngokwayo iyilayinile^[1317] indlu leyo kunyathelwe unyawo kabini kathathu ngokushiyana kwezindlu...indlu yokuqala ukwakhiwa emzini yikoyi^[1318] igama layo kuba kuqalwa ngendlu encinci ekuqaleni ize enkulu yakhiwe 'se kuhlaliwa kule ndlu incinci...iqale le ndlu incinci ithi nxa kukho le inkulu ibizwe ke ngegama lokuba kusekoyini...ithi ke loo nto indoda engakwaziyo ukusika phantsi ngomhlakulo isike iisoyi ize ibeke yenze udonga...ithi isimba isiza ibe ibophe iinkabi yaze yakrazula iindawo emhlabeni ngekhuba leenkabi ukuba umfazi yena esuke aqhoke loo mhlaba ewucumza ngegaba ukuwenzela ukuba azokuwuxova umfazi loo mhlaba...umfazi uthutha amanzi yena emlanjeni axove udaka enze izonkana ngodaka ekuthiwa igama laze zizitena^[1319] ezibumba ezidwelisa ezomisa 'ze kuthi ke ngoko indoda ke yona izibekelele ke ezo zitena zibe ludonga ize ithi yakugqiba uphele owayo umsebenzi kuloo ndawo ibe ngumfazi ngoku...umfazi yena axove udaka atyabeke olo donga ngaphakathi nangaphandle aluququmbele nasekugqibeleni ngaphezulu...ukuze phantsi umfazi elungelelisa phantsi uze enze kwa udaka aride phantsi udaka esenza ngokwakhe ingowakhe ke lowo umsebenzi...indoda yona kukufuna iipali zaphezulu eluphahleni endlini ize izibeke phezu kodonga ize iphinde igqibe ngokubeka iilanti^[1320] iphinde iphele kowayo umsebenzi endlini...iphinde kuthi ke koloo hlobo iphele kulo indoda ephahleni umfazi athathe irengqa ayokurengqa ingca...ebuya nayo enye ingca...enye ingca ibe yingca yokuluka intambo ekuthiwa ngumkhamo nguwo lowa ke nangoku...ukuze loo nto athi umfazi enze izithungu zengca eyithutha eyithwala ngentloko azokuyibeka apha ecalu kodonga...ifumbe le ngca apho 'ze umfazi aphinde yakuba le ngca ilapha ayicukuceze eyenza izipha ngoku ayenze yonke le ngca ibe zizipha umfazi...ngumsebenzi ke lowo kutshon' amalanga ngamalanga ukuze umfazi ngoku ithi indoda okokuba iyathanda ithathe izembe imnqunqise ingca le phofu yona ingena nje ingumsebenzi womfazi...umfazi akugqiba ukuyiqika ke loo ngca eyiqingqa esenje njalo aphinde akhwelele kuphind' ibe ngumsebenzi wendoda okokuba ngonje umfo wasekh' apha makaqale ngonje athule indlu uthungo lokuqala ayithi loo ngca yonke ayithunge kuloo ndlu kuthiwe nxa ibizwa kuthiwe uthunga urontawuli...ngoku ke ibekho kanjalo enye indlu engakhange yenjiwe njalo isekwayindlu kanjalo ethi yona indoda yembe kwa esi siza ize iphinde indoda iyokugawula kwa sehlathini igawule apha ehlathini igawule yonke into iilantyi kude kubekho ne--- noplayi^[1321] ngokokubizwa kweent' ezibekwa phezu kwendlu...ukuze indoda yenze olo phahla e--- phezu kwendlu njalo ize leyo ibe yiyo indlu efulelwayo igama layo ibe linqugwala...ize ke loo ndlu uphinde owesifazi umsebenzi kuyo ibe kwa kuba umfazi makathuth' amanzi makaxov' udaka makatyabeke makathath' irengqe makayokupha makaqik' izithungu makazithuthe makaphind' afik' ekhaya makaphinde aqingqe izithung' ezizipha ezincinci eziza kwenza uthungo olunye aphinde aqike izipha zengca ezokubeka ibhamba...aphinde kwa msinyane aqike athuthe kwa enye ingca ekuthiwa ngoku kuyaqululelwa ukuba indlu le mayiqine...ngowomfazi wonke ke lowo umsebenzi eluka iintambo zokuqululela nezebhamba e'b' ezilukile ezinye ezihlayo intambo kusithiwa yimibelesi ezokunqumleza ukugalela loo nto ingumsebenzi wesifazi kanti ke umsebenzi womfazi kukuba amanz' asoloko ekho apha ekhaya...iinkuni zokubasa 'soloko zikho umfazi uhamba ehlathini eyokutheza athwale iinkuni entloko azokuzibeka ndaweni-nye ithi loo ndawo zibekwa kuyo phandle ecalu kwendlu kuthiwe kusegoqweni...loo nto ke ithi yakubon' uba njalo e--- umfazi koko kufuneka amanzi ekho kufuneka kutshayele umfazi inkunkuma kufuneka umfazi ngelinye ixesha athathe ubulongwe asinde wonke loo msebenzi awufuni ndoda...lo mfazi kufuneka kubekho int' etyiwayo okanye isityo sendoda ethandwa yindoda yaziwa nguye ukuba ithanda ukutya okuthile...loo nto nabantwana okokuba balambile akukho mthetho usendodeni usafanele kumka umfazi ngenxa yokungakwazi ukuwenza loo nto ifuna umfazi yonke...umfazi kufuneka enze zonke izinto zekhaya iinkuko zokwandlala kufuneka umfazi azazi ekhayeni apha emzini wakhe uba lukhona olwam ukhuko mfazi lukhona olwendoda lukhona olwabantwana zikhona ezibekiweyo zeendwendwe uze kuthi xa kufike abantu basemzini baze balala u--- umfazi athathe ukhuko abeke emntwini wasemzini...umfazi umsebenzi wakhe nxa kuza kubakho into yonke eza kwenziwa ekhayeni kufuneka elungiselele ngokwa sebufazini kuba umfazi yena kufuneka az' uba kuza kwenziwa into into okuba butywala bukhulu busiliwe noba butywala bayiphi na into kuba izint' ezi zinamagama wazo noba ngumgidi wentonjane noba ngumgidi wabakhwetha noba liwonga lokusila noba sisabhokhwe sokubonga ezo 'nto zinto ke eziba neendywala ezinkulu kufuneka ke umfazi yena eme bume^[1322] oko wemayo ngeenyawo kude kufike abantu kujongiwe okokuba umfazi usebenzile...umfazi ubusila ngesandla utywala aboleke abantu loo nto ikude endodeni aboleke abantu yena abanye abafazi kweminye imizi ndeze kucela okokuba phaya ekhaya kukho utywala endiza kubenza ke ndiboleka wena Nobani uyokundisilisa ndiboleka wena Nobani uyokundisilisa ndaweni-nye nabantwana abangamantombazana umsebenzi wabo bengendanga besemakhaya usecalu kwemfundiso yomsebenzi womfazi kuba umfazi lo uqala abe yintombazana ezinye iintombi ziyagxekeka ekwendeni...ithi yakuba yendile emzini wayo ingawazi umsebenzi wesifazi ngenxa yokungaqeqeshwa kokwayo ngunina uba mayiwuqhele umsebenzi wesifazi...umfazi into ayenzayo yena nxa ngoku indoda ivela kundawo noba ivela kugawula kub' ukugawula ngumsebenzi wendoda makathi umfazi yena ifike indoda 's' ekulungisile ukutya kwayo 's' egqibile ingafiki ihlale ilambile engawenzanga umsebenzi wesifazi...indoda umsebenzi wayo uqalela...elulawulweni lokokuba yona okokuba umfazi akevi ngayo uya kuba akamfazanga ngokwesiXhosa...kufuneka umfazi eve ngendoda ikakhulu alandele umthetho othethwa yindoda...okokuba ithi indoda mna andimfuni owam umfazi aye etywaleni ahlale loo mfazi noba uyathanda na woze kude kucace yona kuba uya kuba uwaphule umthetho wesifazi nxa engenakuva ngendoda yakhe...indoda yona ukususela kuloo nto yoba isenza isiza ize yakusenza igawulele uphahla ukuze ithi yakuba ilapho iwufeze owesidoda umsebenzi malunga nendlu...indoda kufuneka ifune ucango lokuvala emnyango indoda umcimbi wayo endlini ngesiXhosa ukuze entla naphakathi naphantsi ibe ngumfazi umfazi kufuneka yena afune imbiza yokupheka ingafunwa yindoda aye nakowabo ayokuzicelela nxa angenayo ngaphandle lokuba uyifune nganto zimbi zokuba nezinto ngezinto...umfazi kufuneka isitya esaluphalayo sibonwe nguye ukuba sigqobhokile azame indlela yezitya zomzi wakhe loo nto ayifuni ndoda...umfazi kufuneka apha wonke umntu ofikayo aqukezele int' 'oba uza kutya ntoni na asoloko esazi into aza kumnika yona umntu wasemzini loo nto ayifuni ndoda...into efuna indoda ngesiXhosa ngumntu ukuba uvela phi na ehambele ntoni na...ke loo nto ukuba ugqibile ke kweli cala umfo lo yena uyindoda uza kungena ngokugawula agawulele uthango...loo nto ayifuni mfazi kufuneka kugawule indoda...igawule indoda ibiye^[1323] loo nto ayifuni mfazi umfazi yena ufunwa kukupheka qha ayiphakele...ukuze indoda yaluse iinkomo zayo nxa zizonke kuqale ke ngoku umfazi kufunek' uba abe nalo uncediso endodeni okokuba akukho mntu...kanti ke loo nto ingecala lesidoda...ngoku ke umfazi uya kuncedisa ngonikelo ngesiXhosa umfaz' akayi ebuhlanti...akavuli ebuhlanti akakhuphi nkomo ebuhlanti uthi ke ngobugantuntu nxa engumntu oyedwa ongenamntu...nxa ke kunjalo kuqaleke ke ngoku kufunek' int' 'oba lo mfazi makuthethwe uyedwa ekhay' apha...ke kuthi indoda nxa ingekhoyo izinto zifun' ukonakala okunye kuhlabane iinkomo ebuhlanti ngoku indoda ayikho kanti nxa ib' ikho ngeyingxolile yaya ebuhlanti yazikhupha iinkomo...kufuneke k' ukuba ke ngoku makuthethwe ke ngaloo nto umfazi...hee eyedwa uye ke alungiswe ngabantu bomzi abangamadoda loo nto ayifuni mfazi ayenziwa ngumfazi komnye umfazi...yindoda ethi ithi emfazini khulula noba ngumtseke esihlahleni noba sisacholo yiz' apha mfazi ahambe ke umfazi aye phaya ebuhlanti...afike kuthiwe ngena indod' ibhekele pha' angene abeke eso sacholo esangweni ngasemaxhantini 'xelise^[1324] mna lo...ngoko ke loo nto ililo ke isiko elithi lifake umfazi kunto engeyo yakhe ayifakwe ngomthetho nangendingo yokokub' umnt' edinga yinto enokumenzela aqale ke lowo ke umfazi ibe nguye ke umfaz' ohamb' ebuhlanti ngomtheth' owenziweyo emzini wakhe...umfazi umsebenzi wakhe unqumla kude enkundleni akahambi phakathi kwazi iintango zombini azahlule ngesiXhosa...ufuneka ajikele entla kwalo nasezantsi kwalo...loo nto ke iba yinto enjalo ke ngesiXhosa...'ze umsebenzi wesidoda uthi ukusuka apho ibe kuko ukwenza iidyokhwe^[1325] nezikeyi^[1326] yonke into kulungiselelwa yindoda ukubopha ukuba kuza kubakho amasimi 'ze kanti intsimi ixhoxhwe yindoda ngokuhamba iye komkhulu loo nto ayifuni mfazi yiyendoda...indoda iye icele intsimi uba ndifuna intsimi kuba ndinomzi ngoku wam ndiphumile kwelam ikhaya...iza kuthi ke indoda leyo ithi nxa icela intsimi ibuzwe apho ifuna khona ibe 'se iwukhangele umhlaba yona ngokwayo uba indawo ethile ifanele uba inganentsimi itsho iyalathe njalo ngelinye ixesha iyalathe le ndawo ikufitshane namanye amasimi wabanye abantu abase belungile kanti ke yona iyaqala...loo nto ke kufunek' uba ewe mayivisisane nabo bantu ke belali...kufuneka bazi uba uBani naye ngok' uza kuba nentsimi uza kwenzelwa intsimi ecalu kwe kaBani...kuqale ke kudityanwe ngamadod' elali kungqinwe ke okokuba siyamazi ngokwakomkhulu...ngoko ke loo nto ilisiko lesidoda yindlela ke leyo ekwakhiwa ngayo amakhaya ngamaXhosa awakha um--- imizi yawo ngolo hlobo...umsebenzi wesidoda uqalela apho kwa okuya ib' icela inxiwa lesiza sayo ibiye yenje njalo ibe iyile yaya komkhulu kwabuzwa uyaziwa na yibhodi^[1327] yathi ewe kufunek' uba ke loo mthetho lowo mayaziwe yilali eza kume kuyo kwa nanje ngokuba mayaziwe kwa nangabantu eza kuthi ucele intsimi ecalu kwabo ngokwasesidodeni...loo nto ke inguwo ke umcimbi obambeka ngoloo hlobo ke yinkqubo ke leyo ke yendoda...kuthi ke kwakuba ke kunjalo ngoku...idityaniselwe yenje njalo ke kuqale ke ngonje kokucandwa ke intsimi yayo...ukuze ke entsimin' 'ayo ifumaneke ngokwendoda...ize kanti ummiselo lo wona intsimi le ifumaneka ngokomfazi ngolu hlobo lokokuba indoda engenamfazi ayibi nayo intsimi...ingenawo umzi esuka wakhe ingenamfazi...indoda ize yakhe umzi iba nomfazi kuqala kodwa ke ukusebenza oku ukubamba ngezandla ndixela umsebenzi obanjwa yindoda ngezandla nobanjwa ngumfazi ngezandla nxa besakha ikhaya eli labo indlela elimiswa ngayo...ngoku ke indoda ke kwakuba kunjalo iza kuthi ke ibophe iinkabi...ifake ikhuba...ihambe ke nabantwana njalo nabacelwa abacelwa yiyo uba ayinamntana okunye nomfazi kodwa imcenga ngaloo nto kuba yena umfazi owakhe umcimbi kukuphekela ezo nkabi...ize ngoku ke umfazi azijoyine^[1328] kuba eyifuna naye loo nto uba mayide ilunge kodwa ingumsebenzi wesidoda ukude nomfazi ukuze ke ngoku ke umfazi athabathe ke ngonje ubunzulu obunje bokuba angalali ngokulungiselela ukupheka imbiza yangomso kuba kuza kusukwa ngomso ayokuncedisa indoda yakhe ezinkabini...nxa ngoku kusenziwa intsimi uba makube 'kho intsimi uze kuba 'kho int' etyiwayo iz' iqale ke ngonje izoba^[1329] ngumzi...kwenziwe ke loo nto ke umfazi eqhubela indoda ade omnye umfazi akwazi nokubamba ikhuba ngokwakhe...ithi indoda uba ayikho kanti lo mfazi uya kuqokelel' abantwana bakhe ayilimi intsimi ayigqibe kungekho ndoda apho ngenxa yokokuba wayencedisana nendoda yakhe wade wawuqhela loo msebenzi wawazi nanje ngokuba bakhona abafazi abakwaziyo ukubeka amadonga kwa ngohlobo lokokuba athi ngovisisana nendoda yakhe engakrunwanga kuloo nto bathi ngokuthethana amane esenza ithi indoda beka apha abeke okanye indoda ibe nendawo noba kusesandleni na iman' isithi beka apha abeke umfazi eyicubhukele loo nto as'ke abonakale ngokukhanya kwengqondo yakhe ekwazi ukuyenza loo nto kodwa ingumsebenzi wesidoda...loo nto ke ithi kwenjiwa njalo ke into leyo ke iyintsimi ethi ngeliny' ixesha kuqale komnye umzi kube 'kho intsimi kanti into yokuqala intsimi ingekabikho yigadi^[1330] ...igadi le 'be sikade siyibiza ngokokuba le nt' iyigadi sisicuba kuba ib' iyinto e--- elima icub' eli lodwa kwaya kusithi ke ngoko yaya ibhekela pha' ngokuba banzana ngokumane sisazi izinto ngezinto ezifanelwe kukufakwa ezigadini...kaloku 'be sikade singayazi thina into kakuba kukh' int' elitapile etyiwayo...singayazi futh' int' 'oba kukho into ezikhaphetshu^[1331] ezityiwayo singayazi kanjaqo okokuba umthi lo we-orenji^[1332] ukh' utyalwe ngumntu...singayazi yonke into natolofiya^[1333] uba into ingatyalwa...loo nto ihambile ke yahamba ngokhanyo lokumane siya siqondaqonda siya siqondaqonda esithi ukuthetha abantu bokuqala babesemnyameni siselukhanyweni kuba thina ngoku sisaz' uba kukhw' iinto ezingamatapile...yathi ke loo nto umfazi ngokwakhe acoselele ukumane elima indawo yathi ke yona igadi le ya--- ya--- yabalasela kucala lesifazi...yangumfazi into ethi yagxininisa egadini kuba umfazi uza nenye into yen' athi 'se kaBani iyatyiwa le nto ikhona phaya kwaBani ndiyibonile 'khe ndayiva nasemlonyeni...as'ke ke umfazi enze athathe igaba enze indaw' eza kubhekela phaya ukuze afake le nto e'b' eyibonile ide ke ngonje yaziwe ke nayindoda...ubunzulu ke begadi ixinanise kucala lesifazi...intsimi kanti nayo nxa kuzekelelwa ikwayinto yesifazi kodwa umsebenzi wayo ngowendoda yindoda into ebopha iinkabi iyokulima emasimini uze umfazi yena into yakhe ibe kukuphekela abasebenzi emasimini kuba njalo ke ize kanjaqo umsebenzi wendoda kanjaqo ibe yindlala kuba nxa kulanjwa kufuneka yona izenzele amatyala wokokuba makutyiwe lusapho lungalambi loo nto ke ibe ngumthwalo wendoda...umfazi nje kancinci kukuthi nje yena ukuba unomntu amaziyo nomntu angamoyikiyo as' amchazele nj' uba yhu! asilambi nje phaya ekhaya kanti nangoko kwakuthiwa indoda le yakhw' ijonge phi nxa kanti niyalamba umsebenzi wayo yintoni kwakutshiwo kodwa ke atsho umntu akuniki ke into enga ngoba ungaye uye uyokupheka kanti kwakhona okokuba kuncamekile ngokwent' etyiwayo...umfazi indoda uyenzela ityala kuba uthatha ngokuboleka kubo bonke abantu esithi ndiboleke ndakuthi mhla ndathenga ndizibuyise ezi zinto ithi indoda iyayithenga into noba ithatha ingxowa yombona ngetyala loo nto iphelele ebantwini ngokubhatala^[1334] abantu ekwakuthathiwe kubo ilathe int' ethi ke loo nto ngumsebenzi wesidoda kuba apho kumandla khona kusendodeni yona inkosikazi ithatha int' e'se ingene izokuba yeyakhe ngokupheka izoba yeyakhe ngokugcina usapho lungalambi ngokuthatha uba makapheke kodwa ke nakhona kunjalo e--- umzi awubi nawonga lihle nxa ngaba umfazi lo akabathandi abantu...kufuneka umfazi lo abathande abantu ize ibe ngumzi kakuhle ukuba umfazi abantu akabathandi uya kubona nawe wohlala loo mzi lowo kungekho mntu...'soloko lo mntu waba yedwa abantu abafuni kuhlala naye kuba akafuni bantu loo nto ke umfazi nendoda bayabambisana ngomzi ukuze ube nguwo umzi owakhekayo kuba umzi wakhiwa ngolo hlobo lokokuba athi umntu akungena ngaphakathi igazi lakhe likhululeke...lokhululeka endodeni ukuze kuthi ukuba kupheka umfazi athi umntu akujonga emfazini abon' okokuba hayi ewe uba ib' iyodwa le ndoda kodwa ngenxa yomfazi wayo andinakuhlala apha...injalo ke isiko lesiXhosa lithi ke ngolo hlobo luhamba ngalo ezi 'nto ke zizinto ezinje kuyahlonitshwa icala ahlala kulo umkhuluwa oyindoda umfazi womninawa akahlali kwelo cala ngesiXhosa...icala elihlala ubawo uyise wendoda yakho...wena molokazana akuhlali kwelo cala...umolokazana akasibambi isandla kuyise wendoda...loo nto ke uthi ke othe waba loo nto u--- uyigqwethile akahamba kanjalo kuthiwe akanasimilo akanantloko akahloniphi akanambeko akamazi umntu ongaphezulu kwakhe abe ngumntu ke lowa okuthiwa nxa kuthethwayo kuthiwe akasoze abe nto imilomo iya kakubi kuye ayithethi kakuhle...loo nto ke injalo ke ize loo nto zithi zakuba ke lakhiwe ke inxiwa lagqitywa lala--- lanendlu lanothango kuphinde ke ngoku okokuba kugqithe unyaka kuhlaliwa khona kufuneke okokuba malixhelelwe ibhokhwe kwaziswe okokuba nali ke inxiwa elakhiwe ke ngulo mfo kaBani...kuthiwa ke ngesiXhosa loo nto umntu wazisa amawabo wakhe indawo akuyo okokuba aziwe kungathiwa asimazi kuyiwe ke ngaloo mini ithi ke loo bhokhwe nxa ixhelwayo kuthiwe hayi ke le bhokhwe senza eli nxiwa okokuba nabani na amaz' uBani ub' ulapha...hee le nto ke ahlale kakuhle awakhe lo mzi angabi ngathi uwubile a--- aziwe ukuba akawubanga ngamasiko ke esiXhosa ke lawo uze ke kuhlaleke apho okokuba loo nto umntu akakayenzi ngesiXhosa kuthi noba yintoni na ekufuneka eyenzile ukuze ibe nenyama exhelwayo kuthiwe hayi akunakuqala ngokuthi kwenziwe into kanti akakazixeli apho akhona kanti ke kuthethwa le nt' uba engekayenzi le yenxiwa...le nto ke apho loo ndoda ke nomfazi wayo beza kuthi ke bakuba bezigqibile k' ezo 'nto babazele k' abantwana babe ngendlela abazala ngayo ke ekuzaleni ke ngulowo ke us'k' abon' oko kuzala kwakhe ngelo xesha...ozeleyo ke uya kuba uzele ongazalang' angazali nxa ezele ke umntana apho uba 's' eyenzile loo nto ya--- yokwazisa nge--- ngalaa bhokhwe pha' kwelaa nxiwa lakhe uya kuthi ke ngoku ke akwazi nokwenza ukuxhelela loo mntwana wakhe kuthiwe uyabingelela kwa amasiko esixhosa...enoba ukhulile na kwafika ixesha loba amthombis' abe yintonjane uya kuyenza loo nto kakuhle kuba wayenza laa nto yalaa bhokhwe injalo ke le nto^[1335] ...njengoko ke bezalwa abantwan' aba bahlukana ngokokuba yinkwenkwe omnye omnye uyintombazana umntana oyintombazana kwa ngqeqesho yakhe e--- yokuqala kunina ekubeni aqabukele ukwazi nxa 'se ekwaz' ukuba 's'^[1336] apha nants' int' ethile...uqalelwa apho ke yena ukuqeqeshwa...kuba umntana uzalwa ahlale akhase aqingqe ahambe alunyulwe uze ke ngonje azokwazi...aqalise ngokokuba nxa unikwa into thatha ngezandla zozibini...abe njalo ath' ub' uyiyekile loo nto abethwe kuthiwe khongozela ngazo zozibini enjenjalo k' umntana...ngoku ke kuye kwakuba kuhleliwe kuthiwe kuye ndiphe amanzi 's' apha nang' amanzi athathe umntana oyintombazana kanti ke noyinkwenkwe kukwanjalo kwesi sithuba kusaya emisebenzini yabo ngoko ke umntana oyintombazana uqaliswa ngokokuba makasus' inkunkuma...ithi into ephalele phantsi kuthiwe thatha nanguy' umtshayelo yishikixe...loo nto ke umntana oyintombazana aqaliswe ngokufundiswa ngesitya esincinci esilingana naye ukukh' amanzi...loo nto aqaliswe ngokokuba akwazi ukuthatha noba yinkcenkce ayokukh' imifino ayibeleke noba kungeqhiya...loo nto bathi ukuba uthunyiwe aqaliswe ngokokuba uhlalele ntoni na phaya abe nokubethwa eqeqeshelwa kuloo nt' 'oba ubokukhawuleza nxa uthunyiweyo ngumnt' omdala eqeqeshelwa okokuba nxa engxoliswa ngumnt' omdala makangaphenduli kufunek' angaphenduli emtwini omdala umntwana oyintombazana aqeqeshwe ngokokub' athathe umbona amsile elityeni kuba kukho into elilitye umbona agutywe elityeni loo nto ityiwe ngabantu kanti kufuneka njengokukhula kwakhe elinganiselwa kodwa athi amandla wakhe efika phaya kulaa nto abe elinganiselwa ngayo isenziwa 'ngangaye az' ade ayokufika esiqwini esinokufez' umntu...umntana oyintombazana uqeqeshelwa ekungqusheni nasekubeni makasinde ngobulongwe indlu phantsi nasekubeni makavase izitya ezi azicoce nx' azivasayo a--- angazivasi ngamanz' amdaka nx' avase ngamanz' amdak' awalahle kuthiwe phind' ugalel' amanye agalel' amanye acokise isitya umntana oyintombazana kuthiwe kuye vasa izandla ezi azivase umntana izandla kuthiwe 's' ukubamba into ngesandla esimdaka eqeqeshwa ngolo hlobo njalo loba vuka uvase izandla nobuso ke uza kuthi ke lo mntana uyintombazana aqeqeshelwe int' 'okokuba ziphi iinkuni phemba aphembe umntana uthi nxa efunda ukutheza athathe ngeliny' ixesha neziluhlaza azithathe unina womntana iinkuni azaphule ath' uya bona jonga olunje ukhuni 's'^[1337] ...leyo ke into uqeqeshwa ngolo hlobo ke umntana oyintombazana ade aye ke ekubeni angenda ke eqeqeshelwa kuloo misebenzi yesifazi 'ze kanti ke oyinkwenkwe uqeqeshelwa ekwaluseni yena aqeqeshelwe ekufundisweni ukusenga aqeqeshelwe ekufundisweni ukwaz' ixesha lokusenga...loo nto ke ade akwazi njalo athi nxa 's' eyinkwenkwe endala aqeqeshwe ngokokuba azi izembe akwazi ukugawula kuth' uba iinkomo azinandawo yokulala kuqeqeshwe yena uba akwazi ukwenza indawo yokuba iinkomo zilale agawule aflare iiflara^[1338] zamahlahla abophe uze ade abe yindoda 's' ewazile umsebenzi wesikhwenkwe ufundisela kumsebenzi wamadoda...yiyo le ke indawo...ke kuye kube 'kho le ndawo apha esintwini uze ke ngoku ngaxesha limbi kuthi nxa ingumntu omncinci ase ke ngelinye ixesha agule afe yena ke kungabikho nto kwenziwa ngaphezulu komntu omdala kodwa ke ngesiXhosa ase umntu 'se kumbiwe ayokufakwa emngxunyeni ephethwe ngezandla nxa engangokuphathwa ngezandla...athi okokuba ungangokokuba kubanjwe ngabant' abaninji abanjwe ke ngamadoda amaninji...ebekade ke es'ke umnt' afinyezwe afakwe kwenziwe ikona^[1339] ebheke phaya abekwe njalo kusukwe kugqunywe...loo nto ke nxa ilixhego elidala naxa inguye umntu oshiya umntu omdala kwakhona eyindoda noba ungunyana wakhe enze izilandelo zesiko lesiXhosa nxa kugqitywa ukungcwatywa ngesiXhosa kuyaxhelwa kuthiwe kuhlanjwe izandla loo nto noba kuphekwe iinkobe ibe yinto egqityiweyo leyo kanti kuseza kuthiwa ngelinye ixesha kuthiwe kuyazilwa isiko lesiXhosa kude eminyakeni emibini noba mithathu noba mine kusathethwa laa nto yalityalwayo ngoko kuxhelwe iinkomo kuhlaliwe apho ityiwe ngokutyiwa okungxamelekileyo...kanti emva koko kwakuphinda kucoselelwe kuthiwe kuxhelwa inkomo ekuthiwa uyaphiwa uyaguqulwa leyo ke iba neendywala ezinkulu kubhinqwe izikhaka ngabafazi bathwale iinyanda zeenkuni behombile kuhonjwe kakhulu ngathi kuyatshatiswa...loo nto kumandi kuloo mzi kungalalwa kusombelwa kusenziwa zonke iingoma zokuvuyisa kutyiwa obo tywala naloo nyama iphekwa ke yona ebuhlanti enye iphekwe ngasesibayeni phambi kwendlu kuthango olukufitshane ibe leyo yeyabafazi leyo iphekwe ebuhlanti ingeyamadoda^[1340] ize ithi nxa yophulwayo ingophulwa ngokophulwa nanje ngokuba nxa ib' ixhelwa ib' ishwanyiwe ukushwanywa kwayo kuthi ngoku kuza kuxhelwa kombelwe iingoma kuthiwe yingoma yekhaya kuxhentswe uze kuphunywe phandle abizwe ngegama umntu ophiwayo lowo kuxhelelwa yena kusithiwa kuxhelelwa yena ukuze ke ngoku kuthiwe makungenwe ebuhlanti ngamankazana...amankazana iba zintombi ezoo zizalana naloo mzi wenza loo nto kanti ke noonolali bakhona uze kwenziwe umbengo ibekwe ehlahleni lomthi lowo mbengo ke utyiwe apho kukhiwe iibhekile^[1341] zotywala endlini ziphinde nazo zityelwe apho ebuhlanti enye inikwe amankazana enye ibe ngeyamadoda...emva koko uba kugqityiwe oko kuqaliswe ke ngoku ukojiwa nangubani na okhoyo onikwayo ukuba baqale ke ngoku bayive bonke inyama...kanti ke ngoku nxa kungokuhlwa kuza 'ba^[1342] 'kho inyama enegama layo ephekwa yodwa ekuthiwa ukubizwa ngamahleza...iphekwe ke leyo ikhwezelwa ize nxa yophulwayo kuphiwe amakhosikazi kuba wona ahlala kweyawo indlu wodwa ukuze amankazana ahlale namadoda kundlu yamadoda...kwenjiwe njalo kube 'kho icuba ekuncazelana bona bodwa abantu bekhaya ngaphandle komfazi...kuthiwe ke kwakusa 'phinde kungene intlombe nxa kuza kophulwa kuba 'be kuthiwe nxa kuvukwayo kwakhiwa iibhekile zeemvuko kwaselwa kuthuthwe inyama yesidoda ibheke ebuhlanti eyesifazi ibheke phandle kuphekwe kuza kuphinda ke nxa kuza 'ba^[1343] kuza kuphulwa yakuvuthwa kuthiwe abafazi endlini aqale amakhosikazi abuye kulaa ndlu yawo azokungena kule ngokuza kwenza ingoma wona ibhinqe izikhaka engazi kuxhentsa eza kuhlala phantsi...besuke abanini-khaya bajikeleze eziko bexhentsa besenza loo ngoma bathethe ke bemise bathi nxa senje nje senzela le nto ukuba apha makuphilwe sifuman' umbona sifuman' umntana sifuman' imfuyo abafazi bethu bamithe yonke loo nto iphile kuthiwe ke ngabanye camagu camagu mfo kaBani 'be kunganganjalo...loo nto ke akumandi kuyimbali apha ingase le nto ingapheli kanti ibizwe ngomnt' owafa kudala naxa kuthethwa le nto nje kusithiwa kwenziwa unyanya uba ekh' apha maziphele iint' ezimbi ezibuhlungu makube kuhle kutsho ke loo nto ke iphume ke phandle ngoku le--- le ntlombe...kusithiwa makwenziwe ke ngonj' ingoma yekhaya iphume phandle...yenziwe ke ingomakazi engumdudo eyabalasekayo^[1344] nenguMagwaza emizini apha nelugaga iphume ke loo ngoma phandle ihlatyelwa ngumfazi okwaziyo ukwenza ingoma...ize kuthi^[1345] ke kwakuphunywa phandle ke amadod' egatyaza ke ebikizelisa izifuba engxutuza nezisu zawo ezikhulu amanye encasalazela abhityileyo...uze ke ngoku kuthi phandle...kuhanjwe kancinci ngale ngoma kubhekwa ngasebuhlanti kuthi kwakufika phambi kwesango abafazi bona bethe fithi kuhle noko malunga nembiza yabo bangeqhithisi kakhulu ukungena bona eluthangweni balunge nje neziko labo beme besenza ingoma leyo amankazana ke wona iintombi zekhaya nxa zizonke nanzo zifunquza kunye namadod' akowazo kuyint' eyolileyo kuba zona azi--- zingabombelelwa zona zingabantu basekh' apha...imise indoda leyo iphethe umkhonto ibe ingumhlabi kuba kwaloo nkomo ayizukufumane^[1346] ihlatywe noba ngubani na...iyalawulelwa umntu ofanele kukuyihlaba ngomkhonto kuba umkhonto lo unesiphiwo sokwabelwa ukuba ufanelwe kukuphathwa ngubani olicala elikhulu malunga nesizeko sendoda kuba kukho abafaz' abancinci nabadala...loo nto ke iza kumisa ke itsho ukuthi namhlanje ndipha uBani...ndiyamguqula ukuba asijonge uze ekhay' apha sifuna umbona sifuna inzala sifuna imfuyo sifuna abafazi bethu bamithe nathi sibe ngamadoda ukuze sithi sakusebenza sisebenze imali ibonakale zinga 'ngemka^[1347] iinto ezimbi ekhay' apha kuthiwe ke camagu kuyavakala ixhase enye--- enye yawo exhasayo ithi camagu mfo kaBanibani loo nto uyithethayo kunga 'ngathi^[1348] nale milwelwe 'soloko ikhathazwa ziindawo iphile namhlanje ithi nent' esingekayiboni ize kakuhle siyibone loo nto ke ithethwa ke ngelizwi eliphakamileyo...uze ke ngoku ke kuthiwe ke abafazi endlini bahambe ke abafazi babheke endlini...bathi bakubhek' endlini abafazi amankazana ayokungena kulaa ndlu...alala kuyo namadoda ib' iphuma inyama...amantombazan' amankazana abafazi bathi dide^[1349] phandle ukuhlala...bebhinq' izikhaka bathi abangabelali abezileyo nje bengabhinqanga zikhaka bona babe behombile kodwa ngezivatho zabo ezihle kuba kuthiwa eli siko lisisisusa esibalulekileyo ngoku ke kuthi kwakubonwa uba kunjalo kusuke abafana bebhinqile...bathuthe utywala obubheka ebuhlanti babuthuthe babugqibe bathuthe obuya ebafazini babubeke ngasesibayeni obabafazi bathi bakugqiba ukwenje njalo ngoku kulungiswe iibhekile iibhekile ngamankazana eme bume obu tywala ke umfaz' akayi kubo nowasekhay' apha akaphathi nto phaya etywaleni...kuba yena uhombile namhlanje...uhloniphile ngesiXhosa loo nto ke aze umfazi yena ukuze afane abufumane nje abe ukhelelwe yinkazana yamnika okanye ukuba unxaniwe akrwece inkazana asebeze kuyo hayi wethu ndinxaniwe kanti ke inkazana iya kwenza icebo...kuba yona ikufitshane nomcimbi wamadoda nxa kwenziwa olu hlobo...ukuze ithi ke ngoku yakugqiba ukuhlamba iibhekile amankazana 'z'^[1350] ezi bhekile zimane zigadwa^[1351] ke ngamadoda okokuba zigqityiwe na ziza kwanela na zithathwe ke ngamadoda amadoda onke elizwe angene ngaphakathi ebuhlanti...obu tywala buselelwe ngaphakathi kungabikho nkabi ithile kube nguFaka-ayeke kuba abubizwa ngakuba ndipha wena buphiwe lowa kuthethwa ngaye ufileyo...kuza kuphakwa nje kubekwe kuthiwe selani nina selani nina uze ke abafazi benje njalo nabo kweyabo ingcwele yotywala iziphaluka zabo bakhe ngeebhekile babeke bakhe ibhekile babeke njalo njalo...kusuke utywala obusuka emadodeni kuphiwe amankazana ngamadoda ngaloo nto aya kuth' ayiphe amankazana...kusuke abafazi bakhe kweyabo ingcwele base kwa kuloo makhosazana amankazana endlini...kwa inyama yenjwe njalo ukophulwa kwayo amadoda aphe amankazana aphind' abafazi bapha amankazana...kuselwe ke kugqitywe kuthi ke kwakuba kugqityiwe kungenwe ke endlini ngoku kuba ilanga liza kwenza lide litshone...kuthi kwakungenwa endlini oonolali bath' kuba indlu incinci baselele phandle bade bagoduke...uba indlu iyazala kuba umntu nx' enza lo mcimbi ubiz' owakowabo ophi nophi azokuzalisa apha zitsho ke ngoku ke loo nto aba bangoonolali ingengobalo mzi bangabi nayo indawo kodwa baxoliswe kukuphathwa kakuhle bemke nabo ngokubona okokuba indlu ikrelekrele kube 'kho abangenayo nabo kude kwanele indlu leyo balalis' apho nabo kumandi kunjalo kwaba kusile...ngomso kusikelelwe inyama ethi ishiywe ibe ngumlenze nomqolo okokuthi le nyama nentloko namanqina ibe yimini ekuthiwa ngamaphinda kusikelelw' ezo nyama kwa sebuhlant' eyasebuhlanti...ekuthiwa ngamanqina kunye nentloko kwakunye nendawo esemlenzeni ebafazini ke ibe nguloo mqolo neendaw' ezizinjeke e'be zishiyekile ngamazolo neziqwengana engaba 'be zishiyekile kweyomzimba kuhlaliwe ke kuphekwe leyo nayo yakuvuthwa 'se kungazi kophulwa ngantlombe ke ngoku...kuza kuse kuthiwe uvuthiwe ummiso ibe ligama laloo mini kuthiwa kuphekwa ummiso...kophulwe ke kuthi ke nxa ku--- kuphulwa kophulwe kwakunye...kwakunye njalo kophul' amadod' aph' amankazana baphind' abafazi baph' amankazana kuthi emva koko uba kutyiwe loo nyama kubekho iibhekile ezingezommiso^[1352] nezesidudu igama elo nefaxo ekuthi kufaxwa iintsipho zithathwe iintsipho ziyokugalelwa enkundleni kuba kusithiwa liziko...loo nto ke zigalelwe apho kuthi kwakusa ke amankazana ahlambe iifatyi^[1353] e'be zibolekiwe emizini kunye neembiza zeminye imizi uba zingemki zinoku kungcola kwalo mcimbi ub' usenziwa apha bazenze clean^[1354] zigoduke kuqale ke ngoku kucelwe ngabahambayo abaya kundawo zabo a'be besuka kuzo...kushiyeke oosokhaya...oosokhaya ke kwakusa baza kuqoshelisa ke amahlamvu a'be kubekwe kuwo kuze kutshiswe amathamb' aqokelelwe aloo nkomo ayokutshiswa ebuhlanti kuthiwe ke kutshiswa amathambo...uze nxa kutshiwa amathambo kojiwe inyama eliphaphu...yojiwa ngomhla wamathambo...ityiwe ke ngabo bambalwa bakhoyo kukuqhuma kwamathambo...ibe ke leyo iphelile.