Ísland í NATO, bandarískur her

Þegar hafinn var undirbúningur að stofnun Atlantshafsbandalagsins (NATO), og Íslendingum boðin aðild, var deilt um utanríkisstefnu landsins. Ísland var eina þjóðin í bandalaginu sem ekki hafði eigin her né aðrar landvarnir. Yfirgnæfandi meirihluti var þó á Alþingi fyrir aðildinni og hún samþykkt.

F-15 orrustuflugvél Bandaríkjahers baðar sig í nætursólinni á Keflavíkurflugvelli (A U.S. F-15 fighter jet with the midnight sun in the background at the Keflavík Air Base).

Þegar ástand heimsmála varð aftur ótryggt vegna Kóreustyrjaldar 1951 var samþykkt að Íslendingar gerðu varnarsamning við Bandaríkin fyrir hönd Atlantshafsbandalagsins og fámennt bandarískt herlið yrði staðsett í landinu. Með þessu var lagður grunnur að þeirri stefnu í varnarmálum sem hefur verið fylgt síðan. Bandarísk herstöð er staðsett í Reykjanesbæ, skammt frá Keflavík.

Margir voru ósáttir við ákvarðanir stjórnvalda og hrópuðu: "Ísland úr NATÓ, herinn burt!", ,,Íslenski fáninn, bandaríski bjáninn!" og ýmis mótmæli voru höfð í frammi. Minna hefur þó borið á herstöðvarandstæðingum hin síðari ár.