[Chapter 1]

Haraldr inn hárfagri var sonr Hálfdanar svarta. Hann var einvaldskonungr yfir Nóregi er saga ţessi gerđisk. Hann tók ungr konungsdóm. Haraldr var allra manna vitrastr ok vel búinn at öllum íţróttum ţeim sem konungs tign byrjađi. Konungr hafđi mikla hirđ um sik ok valdi ţar til ina ágćtustu menn ţá sem reyndir váru at *mikilli harđfengi ok mörgum frćgđarverkum. Ok svá sem konungr girntisk at hafa međ sér it bezta mannval, ţá váru ţeir at öllu betr haldnir en nökkurir menn í landinu, ţví konungr sparđi hvárki viđ sína menn fé né fullting ef ţeir kunna at gćta. Eigi var međ minna móti at ţat hlýđzk öngum í móti at gera konungs vilja. Sumir urđu landflótta fyrir honum en sumir drepnir, ok kastađi konungr sinni eign á allt ţat ţeir áttu eptir. En margir mikilsháttar menn ţoldu eigi álögur konungs ok flýđu ór Nóregi, ţeir sem váru af stórum ćttum, ok vildu heldr flýja óđul sín en liggja undir ánauđaroki konungs, ok leituđu til ýmissa landa. Á hans dögum byggđisk mjök Ísland, ţví ţangat flýđu ţá margir mikilsháttar menn ţeir er eigi ţoldu ofríki Haralds konungs.