Davíð Stefánsson frá Fagraskógi / Ljóðasafn [selections] (1995)
Previous sectionAð Þingvöllum 930-1930
[ ... ]
II
Þú mikli, eilífi andi,
sem í öllu og alls staðar býrð,
þinn er mátturinn, þitt er valdið,
þín er öll heimsins dýrð.
Þú ríktir frá upphafi alda,
ert allra skapari og skjól,
horfir um heima alla,
hulinn myrkri og sól.
Frá því hin fyrsta móðir
fæddi sinn fyrsta son,
varst þú í meðvitund manna
mannkynsins líf og von.
Allt lifandi lofsyngur þig,
hvert barn, hvert blóm,
þó enginn skynji né skilji
þinn skapandi leyndardóm.
Við altari kristinnar kirkju,
við blótstall hins heiðna hofs
er elskað, óskað og sungið
þér einum til lofs,
því dýpst í djúpi sálar
er hugsunin helguð þér.
Þú gefur veikum vilja
og vit til að óska sér.
Hver bæn er bergmál af einni
tilfinningu og trú.
Allt lofsyngur lífið,
og lífið er þú,
þinn mikli, eilífi andi,
sem í öllu og alls staðar býrð.
Þinn er mátturinn, þitt er ríkið,
þín er öll heimsins dýrð.
sem í öllu og alls staðar býrð,
þinn er mátturinn, þitt er valdið,
þín er öll heimsins dýrð.
Þú ríktir frá upphafi alda,
ert allra skapari og skjól,
horfir um heima alla,
hulinn myrkri og sól.
Frá því hin fyrsta móðir
fæddi sinn fyrsta son,
varst þú í meðvitund manna
mannkynsins líf og von.
Allt lifandi lofsyngur þig,
hvert barn, hvert blóm,
þó enginn skynji né skilji
þinn skapandi leyndardóm.
Við altari kristinnar kirkju,
við blótstall hins heiðna hofs
er elskað, óskað og sungið
þér einum til lofs,
því dýpst í djúpi sálar
er hugsunin helguð þér.
Þú gefur veikum vilja
og vit til að óska sér.
Hver bæn er bergmál af einni
tilfinningu og trú.
Allt lofsyngur lífið,
og lífið er þú,
þinn mikli, eilífi andi,
sem í öllu og alls staðar býrð.
Þinn er mátturinn, þitt er ríkið,
þín er öll heimsins dýrð.
[ ... ]
Top of Page
Content, © 1995. Used with permission from Edda Miðlun og útgáfa hf.
TEI markup © Board of Regents of the University of Wisconsin System, 2005. All rights reserved.
Those interested in using these texts for any purpose not covered under Fair Use must seek the permission of the copyright holder, Edda Miðlun og útgáfa hf, and the University of Wisconsin-Madison Libraries.